Blog

JavaScript Ka Environment Setup Kaise Kare (Browser & Node.js)

Browser aur Node.js Ke Liye JavaScript Setup Kaise Kare?

JavaScript ek bahut hi powerful programming language hai jo web development aur backend development dono ke liye use hoti hai. Isko run karne ke do major environments hote hain:

  • Browser Environment (Frontend Development)
  • Node.js Environment (Backend Development)

Aayiye in dono environments ko setup karna step-by-step samajhte hain.

1. JavaScript in Browser Environment :

Agar aap JavaScript ko sirf browser me run karna chahte hain, toh aapko kisi bhi extra setup ki zaroorat nahi hoti. Har modern browser (Chrome, Firefox, Edge) JavaScript ko samajhta hai aur execute karta hai.

JavaScript likhne ke tarike :

(a) Browser Console me likhna

  1. Chrome browser open karein.
  2. Right Click karein aur “Inspect” option select karein (Ya phir F12 press karein).
  3. Console tab open karein.
  4. Yahan aap direct JavaScript likh sakte hain, jaise:
console.log("Hello JavaScript!");

Enter press karte hi output dikh jayega.

(b) JavaScript ko HTML file ke andar likhna :

Agar aap HTML page ke andar JavaScript likhna chahte hain, toh <script> tag ka use karna padega.

<!DOCTYPE html>
<html lang="en">
<head>
    <title>JavaScript Setup</title>
</head>
<body>

    <h1>Welcome to JavaScript</h1>

    <script>
        console.log("JavaScript is running in Browser!");
        alert("Welcome to JavaScript!");
    </script>

</body>
</html>

(c) External JavaScript File ka use :

Agar aap apna JavaScript code alag file me likhna chahte hain, toh .js file banakar use include kar sakte hain.

Ek naya file banayein: script.js

Isme JavaScript likhein:

console.log("Hello from external file!");

Phir HTML me is file ko include karein:

<script src="script.js"></script>

2. JavaScript in Node.js Environment

Agar aap JavaScript ko backend me run karna chahte hain, toh aapko Node.js install karna padega. Node.js ek JavaScript runtime hai jo aapko browser ke bahar JavaScript chalane ki facility deta hai.

Node.js Install Karna

Node.js ka Setup Check Karna

Install hone ke baad, terminal (Command Prompt ya PowerShell) open karein aur yeh command likhein:

node -v

Agar Node.js sahi se install ho gaya hoga toh version number show hoga, jaise:

v18.16.0

Similarly, npm (Node Package Manager) ka version check karne ke liye:

npm -v

Node.js Me JavaScript Code Chalana

Ek naye file banayein app.js

Isme likhein:

console.log("Hello from Node.js!");

Ab terminal ya command prompt me jaake file run karein:

node app.js

Output:

Hello from Node.js!

Browser me JavaScript run karne ke liye kisi extra installation ki zaroorat nahi hoti. Bas aapko browser console ya <script> tag ka use karna hota hai.

Node.js ek separate runtime environment hai jo backend development aur server-side scripting ke liye use hota hai.

Dono environments ke liye console.log() se output check kar sakte hain aur apne projects ko efficiently develop kar sakte hain.

Quiz: Test Your Knowledge on JavaScript Environment Setup

Bonus: Practical Application!

Aaj hi apne system par JavaScript ka environment setup karke dekhein!

JavaScript environment ko sahi tareeke se samajhne ke liye different setups jaise Browser, Node.js, npm, aur package managers ka upayog karein aur apne development workflow ko aur bhi efficient banayein.

Leave a Reply